«Абайға құрмет» акциясы басталды

Абай Құнанбайұлының 180 жылдығына орай «Абайға құрмет» акциясы басталды. Бұл туралы вице-премьер Қанат Бозымбаевтың төрағалығымен өткен кеңесте айтылды – деп хабарлайды Minut.kz тілшісі.

Акция шеңберінде өңірлер мен республикалық маңызы бар қалалар Абай облысына бір-бір әлеуметтік-мәдени нысан сыйға тартпақ.

• Маңғыстау облысы Достық үйін салып жатыр;
• Түркістан облысы көрме орталығын салмақшы;
• Қызылорда облысы – «Анаға тағзым» орталығын;
• Атырау облысы – «Абай әлемі» ғимаратын;
• Шымкент қаласы – Өнер орталығын;
• СҚО – Мемлекеттік рәміздер алаңын;
• Ақтөбе облысы — Жекпе-жек сарайын;
• Астана — «Келешек» мектебін;
• Алматы қаласы — Медиаорталықты;
• Қарағанды облысы — Ботаникалық бақты;
• БҚО —  Линеарлық паркті;
• Қостанай облысы — Руханият орталығын;
• Павлодар облысы — Үстел теннисі орталығын тұрғызуды жоспарлауда.
• ШҚО — Ертіс жағалауын абаттандыруды қолға алмақ.

Жанель Жанболатқызы