ЖЭО салу жобасы қазақстандық-сингапурлық консорциумға тапсырылды

Еліміздегі үш жылу электр орталығын салу жобасы қазақстандық-сингапурлық консорциумға тапсырылды, деп хабарлайды Minut.kz тілшісі.

«Самұрық-Энерго» басшысы Қайрат Мақсұтовтың мәлімдеуіне қарағанда, Семей мен Өскемендегі ЖЭО құрылысына EPC-келісімшарттар 2026 жылдың 30 қаңтарында жасалған. Бұл станциялар 2029 жылдың төртінші тоқсанында іске қосылады.

Ал Көкшетаудағы ЖЭО бойынша да келісімшарт бекітілген. Оның құрылысы ертерек аяқталып, 2029 жылдың бірінші тоқсанында пайдалануға беріледі.

Жобаның құны айтарлықтай: Көкшетаудағы станция шамамен 350 млрд теңге, ал Семей мен Өскемендегі әрқайсысы шамамен 400 млрд теңгеден асады.

Жаңа ЖЭО-лардың қуаты Көкшетауда – 240 МВт, Семей мен Өскеменде – 360 МВт-тан болады.

Бұл жобалар елдің энергетикалық қауіпсіздігін күшейтіп, электр тапшылығын азайтуға бағытталған.

Minut.kz