Президент Қасым-Жомарт Тоқаев АҚШ-қа ресми сапармен барды

Мемлекет басшысын Вашингтон әуежайында АҚШ Мемлекеттік хатшысының бірінші орынбасары Кристофер Ландау қарсы алды. Сапар аясында Президент Тоқаев АҚШ Президенті Дональд Трамппен келіссөз жүргізеді және «Орталық Азия – АҚШ» саммитіне қатысады.

Кездесулерде екіжақты әріптестікті дамыту, сауда-экономикалық байланыстар мен аймақтық қауіпсіздік мәселелері талқыланады деп күтіледі.

Президент Қасым-Жомарт Тоқаевты АҚШ-та оқитын қазақ студенттері де қарсы алды.

Мемлекет басшысы отандастарымызбен аз-кем әңгімелесіп, оларға табыс тіледі.

Жанель Жанболатқызы