Қызылорда облысында жаңа газ жобасы іске қосылды

Энергетика министрлігі Қызылорда облысындағы Тұзкөл кен орнынан газ өндіру және жеткізу жобасын бастады – деп хабарлайды Tiek телеграмм арнасы.

Арна таратқан ақпаратқа сәйкес, алғашқы кезеңде жылына 30 миллион текше метр газ өндірілмек. Көгілдір отын көлемі 2026-жылдан бастап Тұзкөл, 2028-жылдан бастап Батыс-Кетеқазған кен орындары іске қосылған соң, көлемі 200 миллион текше метрге дейін артады.

Жоба аймақтағы газбен қамтуды күшейтіп, жаңа жұмыс орындарын ашуға және инфрақұрылымды дамытуға ықпал етеді. Өндірілген газ ұлттық тасымалдау жүйесіне жіберіледі.