Нөмірді бөтен адамға беруге тыйым салынуы мүмкін

Мәжіліс байланыс сапасын арттыру және алаяқтықпен күрес туралы заң жобасын бірінші оқылымда мақұлдады. Енді қазақстандықтарды бірқатар өзгерістер күтіп тұр, деп хабарлайды Minut.kz тілшісі.

• Нөмірді сатуға шектеу: Абоненттік нөмір мен телефонды үшінші тұлғаларға беруге тыйым салынады. Ерекшелік тек жақын туыстар үшін ғана жасалған.
• Алаяқтардан қорғаныс: Заңды тұлғалардан келетін қоңыраулар арнайы таңбаланады. Бұл «банк қызметкерімін» деп хабарласатын алаяқтарды бірден анықтауға көмектеседі.
• Тегін сервистер: Баланс нөлге тең болса да, eGov, e-Otinish және Aitu сияқты әлеуметтік маңызды сайттар тегін жұмыс істей береді.
• Ашықтық: Операторлар енді тариф шарттары мен қаржылық есептерін жариялауға міндеттеледі.
• Смартфондарды тексеру: Елге заңсыз әкелінген телефондарды бұғаттау үшін құрылғыларды міндетті верификациялау енгізіледі.
• Маңызды: Жаңа ережелер деректерді өңдеу орталықтарын стратегиялық нысандар қатарына қосуды да қарастырады.

Minut.kz