Құрылтай сайлауы 23 тамызда өтеді

Бүгін Мемлекет басшысы Қасым-Жомарт Тоқаев Қазақстан Республикасы Құрылтайының депутаттарын сайлауды тағайындау туралы жарлыққа қол қойды. Еліміздегі маңызды саяси науқан биылғы жылдың 23 тамызына белгіленді, деп хабарлайды Minut.kz тілшісі.

Жарлыққа сәйкес:

• Сайлауға дайындық және оны өткізу жұмыстарын ұйымдастыру Орталық сайлау комиссиясына жүктелді.
• Үкіметке, облыстар мен республикалық маңызы бар қалалардың және елорда әкімдеріне сайлауды материалдық-техникалық әрі қаржылық жағынан кідіріссіз қамтамасыз ету тапсырылды.

Құжат ресми жарияланған сәтінен, яғни бүгіннен бастап күшіне енді. Еліміздің саяси өміріндегі жаңа кезең бастау алды.

Жанель Жанболатқызы