Түркістан облысындағы тұрғын үйде газ жарылды

Оқиға бүгін түнде Отырар ауданында болған. Жарылыс салдарынан бір адам зардап шекті – деп хабарлайды, Minut.kz тілшісі.

Жарылыс күшінің қатты болғаны соншалық, бірнеше пәтер зақымданған. Облыстық төтенше жағдайлар департаментінің мәліметінше, тұрғынның газға өз бетінше қосылуы төтенше жағдайға себеп болған. Алдын ала болжам бойынша, жарылыс газбен жабдықтау жүйесіндегі ақаудан шыққан.

Зақымдалған үйдің тұрғындары қауіпсіз жерге көшірілді. Қазір көпқабатты үйге көгілдір отын беру уақытша тоқтатылған, оқиғаның мән-жайы анықталып жатыр.