Мобильді аударымдары туралы деректер салық органдарына берілді

Қазақстандықтардың мобильді аударымдары туралы деректер салық органдарына берілді, деп хабарлайды Minut.kz тілшісі.

Бұл туралы Қаржы вице-министрі Ержан Біржанов мәлімдеді. Қазір ведомство ақпаратты қабылдап, жеке төлемдерді жаппай сүзгіден өткізуге кіріскенін растады.

Ауқымды тексеріс барлығын қамтиды. Салық органдары жылдар бойы қызмет пен тауарлар үшін төлемді қарапайым аударымдар арқылы қабылдап, кассалық аппарат пен салықты елемегендерді анықтамақ.

Қазір бұл деректер өңделіп жатыр. Хабарламаларды тек мамыр айында жібереміз, өйткені ақпаратты талдап, санаттар бойынша сәйкестендіру қажет. Ол жеке кәсіпкер ме, өзін-өзі жұмыспен қамтыған ба, әлде бейрезидент пе немесе басқа санат па, – деді вице-министр.

Ақшаның шығу тегін түсіндіруді талап ететін алғашқы хабарламалар қазақстандықтардың жеке кабинеттеріне 2026 жылдың мамыр айында жіберіле бастайды.

Minut.kz