Құрылтай сайлауына 34,3 млрд теңге бөлінді

Үкімет Құрылтай депутаттарының сайлауын ұйымдастыру және өткізу үшін резервінен 34 млрд 300  миллион теңге бөлді. Қаражат орталық сайлау комиссиясы арқылы игеріледі. Бұл туралы Орталық сайлау комиссиясының мүшесі Михаил Бортник мәлімдеді, деп хабарлайды Minut.kz тілшісі.

Оның айтуынша, тиісті шешім тоғызыншы шілдеде қабылданған Үкіметтің №593 қаулысымен бекітілген. Бөлінген қаражат жиырма үшінші тамызға белгіленген Құрылтай депутаттарының кезектен тыс сайлауын ұйымдастыруға және өткізуге бағытталады.

Комиссиясының мәліметінше, Құрылтай депутаттарының сайлауын өткізуге бөлінген қаражаттың негізгі бөлігі 70 000-нан астам сайлау комиссиясы мүшесінің еңбекақысын төлеуге бағытталады. Жалпы шығынның шамамен 25 пайызы немесе 8 миллиард 500 миллион теңге сайлау комиссияларының жұмысын ұйымдастыруға жұмсалады.

Биыл елімізде 47 жаңа сайлау учаскесі ашылып, олар қажетті жабдықтармен толық қамтамасыз етіледі. Сонымен қатар Орталық сайлау комиссиясы арқылы 34 миллиард 200 миллион теңге, ал Сыртқы істер министрлігіне 61 елдегі 80 сайлау учаскесінің жұмысын ұйымдастыру үшін 124 миллион 500 мың теңге бөлінеді. Бұл қаражат іссапар шығындары мен сайлау бюллетеньдерін шетелге жеткізуге жұмсалады.

Minut.kz