«Гонконг тұмауы» A(H3N2) желтоқсанда шарықтау шегіне жетеді

Елде «гонконг тұмауы» деп аталатын вирустың таралуы күшейіп, оның шарықтау шегі желтоқсан айында болуы мүмкін.

Денсаулық сақтау министрлігінің хабарлауынша, штамм барлық жеткіншектерде ауыр өтіп жатыр, әрі жұқпалығы жоғары деңгейде сақталуда. Ведомство ауру жұқтыру жағдайлары тіркелгенін, эпидемиологиялық бақылау күшейтілгенін мәлімдеді.

Дәрігерлер көпшілік орындардан мейлінше аулақ болуды, жеке гигиенаны сақтауды, сондай-ақ алғашқы белгілер байқалғанда медициналық көмекке жүгінуді ескертеді. Сонымен бірге вакцинация аурудың асқынуын азайтуға көмектесетінін айтуда.

Жанель Жанболатқызы