Тоқаев ЕАЭО-ға мүше елдердің басшыларына үндеу жолдады

2026 жылдың 1 қаңтарынан бастап Қазақстан Еуразиялық экономикалық одақ органдарына төрағалық етеді – деп хабарлайды Minut.kz тілшісі.

Мемлекет басшысының айтуынша, Қазақстан келесі негізгі бағыттарға ден қоюды ұсынады:

• Жасанды интеллект – экономикалық интеграцияны дамытудың тың құралы. Қазақстан ЕАЭО аясындағы серіктестерімен жасанды интеллект, цифрлық реттеу және экономиканы трансформациялау салаларында білім мен тәжірибе алмасуға әзір;
• Еуразияның логистикалық хабы: әлеуеттен – көшбасшылыққа. ЕАЭО аясында жасанды интеллект базасы арқылы кіріктірілген жүк ағынын басқару жүйесін құру ұсынылды;
• Технологиялық серпіліс: өндіріс пен агроөнеркәсіп кешенін цифрландыру. Қаржыны серпінді инновациялық жобаларға бағыттау қажет;
• ЕАЭО шеңберінде сауда-саттыққа ешқашан кедергі болмауы қажет. Әкімшілік кедергілердің барлығын жою керек;
• Сауданың жаңа географиясы: жаһандық диалог. Таяу келешекте ЕАЭО-ның Жаһандық Оңтүстік, Араб елдерімен, Оңтүстік-Шығыс Азия және Африка мемлекеттерімен, сондай-ақ аймақтағы беделді бірлестіктермен ықпалдастығын кеңейткен дұрыс.

Minut.kz