Микроқаржы ұйымдарын қадағалау күшейеді

Қазақстанда микроқаржы ұйымдарын бақылау тәсілі түбегейлі өзгереді, деп хабарлайды Minut.kz тілшісі.

Бұл туралы Алматыда өткен Орталық Азия микроқаржыландыру форумында Қаржы нарығын реттеу және дамыту агенттігі төрағасының орынбасары Олжас Қизатов мәлімдеді.

• Заңбұзушылықты іздеу емес, алдын алу: Енді басты назар бұзушылықтарды тіркеп, жазалауға емес, ықтимал тәуекелдердің алдын алуға аударылады.
• Тәуекелдерді басқару және ішкі бақылау: МҚҰ-ларда ішкі бақылау жүйелері мен тәуекелді басқару талаптары күшейтіледі.
• Уәжді пайымдау тәсілі: Талаптарды жай ғана қағаз жүзінде орындау жеткіліксіз болады. Агенттік ұйымдардың тәуекелдерді басқару сапасын бағалау үшін «уәжді пайымдау» институтын енгізеді.
• Өзін-өзі реттеу тетігі: Микроқаржы және коллекторлық қызмет саласында өзін-өзі реттеу механизмдерін қарастыру жоспарлануда.

Бүгінде Қазақстанда 214 микроқаржы ұйымы жұмыс істейді. Соңғы бес жылда бұл сектордың активтері төрт есеге жуық өсіп, 1,7 триллион теңгеге жетті.

Minut.kz